14.05.2021 |
Viure als Pirineus

EQUIPAMENTS

Er Ajuntament de Naut Aran estúdie era ampliacion dera escòla Ruda de Salardú⁣

Er ajuntament de Naut Aran destinarà 400.000 èuros en un projècte que compdarie de dues fases⁣
Ampliació escòla la Ruda Naut Aran
Projècte d'ampliacion dera escòla Ruda de Salardú⁣ /nautaran.org
Er Ajuntament de Naut Aran estúdie era ampliacion dera escòla Ruda de Salardú⁣

Er Ajuntament de Naut Aran estúdie era ampliacion dera escòla Ruda de Salardú⁣. Aguesta accion se hè pr’amor der increment d'escolans qu'a auut eth centre pendent aguest darrèr cors en plea crisi deth coronavirus (de 52 a 75, un 44% mès)⁣

Un des majors inconvenients damb eth que s'a trapat eth consistòri a estat damb er usatge deth minjador. Actuauments, er aula qu'ère destinada entad aguest emplèc, s’a auut d’utilizar entà hèr classes as mainatges. Per contra, eth minjador a estat desplaçat entara sala sociau deth pòble.⁣

Ampliació escòla la Ruda Naut Aran 2

Eth baile de Naut Aran, Cesar Ruiz Canela, concrète que “un des nòsti prumèrs objectius damb aguestes accions, ei apraiar immediataments eth problèma qu'an es professors e mainatges damb er espaci en centre. Volem que poguen disposar deth sòn minjador laguens dera pròpria escòla e se senten comòdes”.⁣

r ajuntament destinarà 400.000 èuros en un projècte que compdarie de dues fases⁣. Ua prumèra fasa ena que se readaptarie era estructura der immòble, en tot crear ua sala ena planta baisha damb ua capacitat de 90m2. Ath delà, tanben se crearien ena planta superiora tres sales mès damb ua prevision de dimensions de 16 m2, 17 m2 e 32 m2. Fin finau, tanben se contemple eth bastiment d’ua naua escala.⁣

Ena dusau fasa, se vò retirar era escala principau damb era que compde actuauments era bastissa e plaçar en sòn lòc un ascensor entà facilitar er accès ara naua zòna.⁣

Er Ajuntament de Naut Aran estúdie era ampliacion dera escòla Ruda de Salardú⁣
Comentarios