ARANÉS

Convergéncia Aranesa critique eth "mensprètz e infrafinançament" d'Unitat d'Aran ar Institut d'Estudis Aranesi

Segons Convergéncia Aranesa "pendent es darrèri ans, s'a constatat ua clara escision economica en matèria de subvencions entre era maxima institucion politica, eth Conselh Generau d'Aran, e era maxima institucion lingüistica, er IEA-AALO"
Convergencia Aranesa
photo_camera Convergéncia Aranesa critique eth "mensprètz e infrafinançament" d'Unitat d'Aran ar Institut d'Estudis Aranesi / @convergenciaran

Convergéncia Aranesa critique, en un comunicat, eth "mensprètz e infrafinançament" per part d'Unitat d'Aran ar Institut d'Estudis Aranesi-Acadèmia Aranesa dera Lengua Occitana.

Segons eth comunicat de Convergéncia Aranesa "pendent es darrèri ans, s'a constatat ua clara escision economica en matèria de subvencions entre era maxima institucion politica deth territòri, eth Conselh Generau d'Aran, e era maxima institucion lingüistica deth territòri, er IEA-AALO". Era formacion aranesista a soslinhat que  "Convergéncia Aranesa a auut tostemp ua clara sensibilizacion damb era lengua e es projèctes que se poguen prebotjar des deth país e pr'amor d'açò se destinèren es darrèrs 4 ans que siguec en govèrn un totau de 97.000 èuros ad aguesta institucion", 

Convergencia Aranesa 2

Unitat d'Aran, damb eth Sindic, Francés Boya e era Sindica, Maria Vergés, an aportat sonque 20.000 èuros es darrèrs 6 ans ara Acadèmia en un clar mensprètz ara autoritat que fixe es critèris dera lengua e que promò publicacions e articles tanplan interessanti e fonamentaus entath devier dera lengua.

Aguesta "posicion partidista", diuen, s'a vist clarament reflectida en Congrés des Deputats dies endarrèr a on, eth deputat aranés, Amador Marqués, non votèc a favor d'aufrir ara Acadèmia era possibilitat d'èster finançada annauments e de forma regulara per part der Estat. "E mos preguntam, per quin motiu un deputat aranés non volerie arténher es maxims recorsi tar aranés e tara maxima institucion lingüistica."

ERC, JUNTS, BILDU, PP E SUMAR votèren a favor dera proposicion non de lei. Eth PSOE s'abstièc e VOX votèc en contra.

Més a Val d'Aran