21.06.2021 |
Viure als Pirineus

CICLISME

Vielha artenh eth reconeishement deth Le tour de france peth trabalh ena promocion dera practica deth ciclisme

Vielha se trape laguens des 80 localitats candidates de diuèrsi paisi qu'an acuelhut bèth viatge ath Tour e qu'an optat a d'aguesta distincion encetada enguan.
Vielha Tour France 4
Vielha, 9au etapa deth Tour de França de 2016 /CGA
Vielha artenh eth reconeishement deth Le tour de france peth trabalh ena promocion dera practica deth ciclisme

Vielha Val d'Aran artenh eth reconeishement deth Letourdefrance peth trabalh ena promocion dera practica deth ciclisme, en tot èster premiada damb dues “vélos” laguens deth nau sagèth “Ville à Vélo du Tour de France”.

Vielha, que siguec punt de gessuda dera 9au etapa deth Tour de França de 2016, se trape laguens des 80 localitats candidates de diuèrsi paisi qu'an acuelhut bèth viatge ath Tour e qu'an optat a d'aguesta distincion encetada enguan.

Vielha Tour France

“Ei ua grana satisfaccion auer podut recéber aguesta distincion per part deth Tour de França, en tot reconéisher er esfòrç que realizam en favor dera promocion der emplec des biciclètes coma espòrt e coma miei de transpòrt”, comente eth baile de Vielha e Mijaran, Juan Antonio Serrano. E ahig que “auem un municipi damb fòrça camins e recorreguts que se pòden hèr en biciclèta, e aguest tipe de reconeishements mos encoratge a seguir en aguesta linha de trabalh per un estil de vida saludable e en favor d'ua destinacion que prebotge eth torisme sostenible”.

En aguest sens, eth conselhèr d’Economia, Torisme e Promocion Economica deth Conselh Generau d’Aran, Josep Canut, a volut destacar “er impacte positiu qu’a aguest distintiu entara Val d’Aran, coma destinacion qu’apòste per espòrt e, mès concretament peth ciclisme" e higie que: “esdevier Ville à Vélo deth Tour de França e d’autes accions coma era creacion deth camin ciclable TransGarona contribuirà a facilitar ues politiques territoriaus de mobilitat sostenibla, espòrt, salut e activacion territoriau per miei dera valorizacion deth pròpri terrtòri”.

Vielha artenh eth reconeishement deth Le tour de france peth trabalh ena promocion dera practica deth ciclisme
Comentarios