16.05.2021 |
Viure als Pirineus

CRISI CORONAVIRUS

S’administre era dusau dòsi dera vacuna en Aran

Es usatgèrs dera Residéncia Sant Antòni, centre de dia e personau sanitari e essenciau an recebut era dusau dòsi dera vacuna
Vacunació Aran segona dosi
Es usatgèrs dera Residéncia Sant Antòni an recebut era dusau dòsi dera vacuna/CGA
S’administre era dusau dòsi dera vacuna en Aran

Aguest maitin, en tot seguir eth plan de vacunacion gestionat peth departament de Salut dera Generalitat de Catalunya, personau sanitari d’aguest departament s’a desplaçat entà Aran tà administrar era dusau dòsi dera vacuna de Pfizer contra era COVID-19 as residents e usatgèrs deth centre de dia dera Residéncia Sant Antòni e personau sanitari e essenciau, que dejà receberen era prumèra dòsi eth passat 8 de gèr.

“Atau e coma an informat es autoritats sanitàries, encara manque demorar uns dies entà qu’era vacuna desvolope totaument era sua proteccion deuant eth virus, passat aguest temps auram, ara fin, immunizada a ua des parts mès vulnerables dera nòsta poblacion”, asseguraue era sindica d’Aran, Maria Vergés, en tot rebrembar que: “a despièch d’aguest petit auanç, ei de besonh que se mantenguen totes es mesures de proteccion deuant era COVID-19 enquia non auer artenhut era immunitat de grop”.

En aguesta dusau jornada de vacunacion i a auut 9 usatgèrs deth centre de dia e residents dera Residéncia Sant Antòni que non an podut recéber era dusau dòsi: “atau e coma a indicat eth pròpri Departament de Salut dera Generalitat, es persones positives en COVID-19 o que presenten quinsevolh auta simptomatologia, non pòden recéber era vacuna”, explicaue era síndica d’Aran, en tot híger que: “aguestes persones receberàn era sua dòsi ena pròplèu jornada de vacunacion que, segontes indique estrategia desvolopada pes autoritats competentes, ei era destinada as grani depenents”.

S’administre era dusau dòsi dera vacuna en Aran
Comentarios