18.09.2020 |
Viure als Pirineus

PESCA

Dubèrta era tempsada de pesca 2020 ena Val d’Aran

Eth govèrn deth Conselh Generau d’Aran publiquèc ager, 18 de mai, er edicte damb eth quau se da inici ara tempsada de pesca 2020
Sonque se poirà realizar era activitat dera pesca enes trams abilitats a tal efècte/Conselh Generau d'Aran
Sonque se poirà realizar era activitat dera pesca enes trams abilitats a tal efècte/Conselh Generau d'Aran
Dubèrta era tempsada de pesca 2020 ena Val d’Aran

Eth govèrn deth Conselh Generau d’Aran publiquèc ager, 18 de mai, er edicte damb eth quau se da inici ara tempsada de pesca 2020 ena Val d’Aran, que s’a vist endarrerida pera emergéncia sanitària e er Estat d’Alarma decretat en país.

Totun, eth conselhèr de Territòri, Paisatge e Gestion ambientau, Francés Bruna, hè incís en besonh de respectar, pendent eth desvolopament d’aguesta activitat, totes es mesures de prevencion entà evitar naui contagis de COVID-19 e gaudir dera pesca d’ua forma segura.

Eth conselhèr de Territòri, Paisatge e Gestion ambientau, Francés Bruna, hè incís en besonh de respectar, pendent eth desvolopament d’aguesta activitat, totes es mesures de prevencion entà evitar naui contagis de COVID-19 e gaudir dera pesca d’ua forma segura

Sonque se poirà realizar era activitat dera pesca enes trams abilitats a tal efècte e publicats enes mapes editats peth Conselh Generau d’Aran. Eth nombre maxim de captures autorizades per pescaire e dia ei proporcionau ara densitat de trueita actuau respècte ara densitat istorica, e ei de 6 captures inferiores as 30 cm en arriu Garona, 8 captures inferiores a 22 cm en d’auti arrius, 8 inferiores as 30 cm ena Bassa d’Aiguamòg, e 12 captures de quinsevolh talha en lacs e arrius entre lacs.

En airau de Miei Ambient dera plana web deth Conselh Generau d’Aran se poiràn expedir es licéncies de pesca valides entara Val d’Aran e era rèsta de Catalunya, e tanben es permisi diaris especifics tà cada tram entàs persones que non son sòcies de cap societat de pesca.

Consulta aciu es mapes de pesca: HUELHETON PESCA 2020

Dubèrta era tempsada de pesca 2020 ena Val d’Aran
Comentarios