03.10.2022 |
Viure als Pirineus

JOCS OLÍMPICS D'HIVERN 2030

Unitat d'Aran, a favor dera candidatura olimpica des Pirenèus tà 2030

Unitat d’Aran considère qu’es JJOO son ua grana oportunitat entath Pirenèu e Aran, qu’impulsarien eth desvolopament territoriau e tanben sociau
Unitat d'Aran JJOO Hivern
Ager diuendres, s’amassèc era comission executiva d’Unitat d’Aran / UA
Unitat d'Aran, a favor dera candidatura olimpica des Pirenèus tà 2030

Ager diuendres, s’amassèc era comission executiva d’Unitat d’Aran, ua amassada dubèrta ara sua militància e ena qué se tractèren diuèrsi ahèrs. Entre eri, s’acordèc per unanimitat, ratificar eth sòn supòrt ara candidatura des Pirenèus as JJOO tà 2030.

En aguest sens, Unitat d’Aran considère qu’es JJOO son ua grana oportunitat entath Pirenèu e Aran, qu’impulsarien eth desvolopament territoriau e tanben sociau, en tot consolidar ath Pirenèu e transformant-lo en un territòri de referéncia.

Marc Tarrau, Secretari d’Organizacion, manifestaue que, “es Jòcs Olimpics son ua airina tà arténher infraestructures dignes e de qualitat, en tot méter eth Pirenèu en S.XXI. Non volem infraestructures que non pogam mantier, se non que se destinen recorsi ad aqueres infraestructures qu’ac an de besonh. Es comunicacions. Es carretères N-230 e C-28. Condar damb infraestructures esportiues de qualitat. O era connectivitat digitau. Son quauqui des servicis a on i cau actuar urgentament”.

Tarrau higíe, “inversions, infraestructures e melhores que non arribarien de cap d’auta manèra. En Pirenèu portam decades de desbrembe per part des administracions, sense inversions de cap tipe. Era Generalitat de Catalunya e es sòns darrèrs pressupòsti en son ua pròva”.

En tot auer en compde eth deficit en inversions qu’eth territòri arrossègue de fòrça ans ençà, Unitat d’Aran balhe supòrt ad aguesta candidatura, que portarie ues inversions que de forma sostenible e integrada ath territòri, en prò deth benèster e futur dera gent d’Aran, e de tot eth Pirenèu, ath temps que demostrarie era capacitat deth territòri e era igualtat d’oportunitats entre territòris.

Unitat d'Aran, a favor dera candidatura olimpica des Pirenèus tà 2030
Comentarios