Enguan tornarà a celebrar-se eth Hestau Mendi Tour Vielha. Er equip de govèrn der Ajuntament de Vielha e Mijaran s'a amassat damb era mairia der eveniment, Edurne Pasaban, entà repréner aguesta activitat, qu'aurà lòc es dies 18 e 19 de març.
Mendi Tour Vielha acuelh era projeccion des milhors films de cinèma de montanha que participen en BBK Mendi Film Bilbao, en tot refortilhar era imatge de Vielha coma cap-lòc qu’apòste per convertir-se en un referent de montanha enes Pirenèus.
Aguest cicle de cinèma de montanha, qu'a supausat un èxit enes edicions anteriores, s'auec de suspéner enes edicions de 2020 e 2021 a conseqüéncia dera pandémia dera COVID-19.
