MUNICIPIS

Bossòst condicione er airau de Còth Barètja entara creacion d’un parc culturau de montanha

Tanben s’a reabilitat era cabana de Còth de Barètja, de liure accès, damb ua taula de léser exteriora e ua auta ena cabana de cap deth bòsc, ath delà de refortilhar era senhalizacion existenta.
Coth de Baretja 1
photo_camera Eth Coth de Baretja / bossost.es

Er Ajuntament de Bossòst a prebotjat, pendent es darrèri mesi, diuèrses actuacions en parçan d’Aubàs e Còth de Barètja entara creacion d’un parc culturau de montanha, d’acòrd damb eth finançament autrejat per miei deth programa europèu Leader. Aguestes accions an consistit en condicionar er itinerari format peth camin de petit recorrut e era pista forestau atau coma melhorar es dus airaus de parcatge damb baranes de husta (un ath principi, en cap deth Portilhon, e un aute en cap deth bòsc d’Aubàs, a uns mètres enjós de Còth de Barètja).

Coth de Baretja 1
Coth de Baretja 1

Ath delà, s’an plaçat dues barrères entath transit rodat enes madeishi punts damb er objectiu de regular es accèssi enes epòques de màger afluéncia de gent e hèr possibla era conviuença des visitaires damb es activitats tradicionaus, coma era ramadèra.

Tanben s’a reabilitat era cabana de Còth de Barètja, de liure accès, damb ua taula de léser exteriora e ua auta ena cabana de cap deth bòsc, ath delà de refortilhar era senhalizacion existenta.

Coth de Baretja 2
Tanben s’a reabilitat era cabana de Còth de Barètja, de liure accès / bossost.es 

Damb aguestes accions, qu’an compdat damb ua inversion de 35.000 èuros, er Ajuntament contribusís ara preservacion d’aguest espaci d’interès paisatgistic, naturau e culturau, coma un des punts d’interès mès subergessents deth municipi.

Coth de Baretja 3
Tanben s’a reabilitat era cabana de Còth de Barètja, de liure accès / bossost.es 

Totun, Còth de Barètja ei un parçan fòrça apreciat pes vesins e vesies e per toti es que le visiten, pendent totes es sasons der an.