Era Entitat Municipau Descentralizada d’Arròs e Vila a amiat a tèrme trabalhs de melhora e condicionament deth cementèri deth pòble d’Arròs, pr’amor que presentaue desparièrs damatges.
Aguesta intervencion avalorada en 6.820€ a estat subvencionada ath 100% pera Diputació de Lleida, laguens deth Plan economic entàs ens locaus en airau dera salut previst entà 2021.
Es prètzhèts que s’an realizat an estat es següents: s’a cambiat era pòrta d’entrada ath cementèri, en tot hèr-la de husta macissa. S’i a plaçat un marc nau e s’a lheuat era nautada dera madeisha pòrta. Dessús s’i a plaçat ua crotz de granit. Atau madeish s’a realizat era neteja dera paret damb lòses de pèira, en tot amiar a tèrme ua pòda perimetrau dera gèdra deth pròpri mur. D’aguesta manèra, eth conjunt deth mur deth cementèri demore totaument sanejat.
