28.09.2022 |
Viure als Pirineus

SALUT PÚBLICA

Er Espitau Val d’Aran artenh ua aliança estrategica damb eth Laboratòri de Referéncia de Catalunya

Era aliança permet ar Espitau Val d’Aran auer accès as sòns servicis centraus, entre eri es servicis d’anatomia patologica e diagnostic pera imatge, atau coma compdar damb un especialista d’analisi clinics. 

Pla general de l'entrada de l'Espitau Val d'Aran el 25 de febrer del 2021. (horitzontal)
Entrada de l'Espitau Val d'Aran a Vielha / ACN
Er Espitau Val d’Aran artenh ua aliança estrategica damb eth Laboratòri de Referéncia de Catalunya

D’aguesta primauera ençà, er Espitau Val d’Aran forme part des laboratòris der hilat deth Laboratòri de Referéncia de Catalunya (LRC) gràcies ara aliança d’Aran Salut damb aguest centre, ua entitat participada peth Consòrci de Salut e Sociau de Catalunya e per Hospital del Mar, damb qui Aran Salut manten tanben ua aliança estrategica en airaus tant destacadi coma eth dera oncologia.

Formar part der hilat deth Laboratòri de Referéncia de Catalunya permet ar Espitau Val d’Aran auer accès as sòns servicis centraus, entre eri es servicis d’anatomia patologica e diagnostic pera imatge, atau coma compdar damb un especialista d’analisi clinics. Atau madeish, li permet mantier ua cobertura legau e supòrt tecnic deth LRC es 24 ores deth dia, 365 dies ar an.

Era sindica d’Aran, Maria Vergés, manifestaue que “aguesta aliança damb eth Laboratòri de Referéncia de Catalunya, amassa damb era aliança estrategica damb eth Hospital del Mar, mos permeten, ath delà de facilitar er accès a servicis de nauta especializacion, disposar de professionaus qualificats que balhen supòrt as nòsti professionaus que dejà amien a tèrme un trabalh remercable” e higie que “aguest ei un important pas entà deuant entà melhorar e consolidar eth nòste sistèma sanitari e sociau que mos permet auer a disposicion servicis dirèctaments connectadi damb espitaus e centres de referéncia dera rèsta de Catalunya”.

Er Espitau Val d’Aran artenh ua aliança estrategica damb eth Laboratòri de Referéncia de Catalunya
Comentarios