28.09.2022 |
Viure als Pirineus

GENT GRANA

Torne “Botja-te”, eth programa d'acompanhament entara gent grana de Naut Aran

Eth projècte “Botja-te” aufrís era possibilitat de, pendent dus dies ara setmana, realizar activitats esportiues de baish esfòrç entà poder mantier un milhor estat de forma.
20220303_203251
Torne “Botja-te”, eth programa d'acompanhament entara gent grana de Naut Aran / @ajnautaran
Torne “Botja-te”, eth programa d'acompanhament entara gent grana de Naut Aran

Aguest pròplèu mes d'octobre tornarà a començar eth projècte “Botja-te” damb eth que se preten qu'es persones dera tresau edat de mès de 60 ans deth municipi de Naut Aran poguen mantier abituds saludables, atau coma apréner naues abilitats e aufrir-les un acompanhament psicologic que les permete gaudir mès e d'ua forma diferenta e divertida deth sòn temps liure.

Rebrembam que hè dus ans, eth projècte auec de suspener-se per aument de positius de coronavirus ena Val d'Aran e entà garantir era seguretat des sòns participaires. Enguan, ja sense cap tipe de restriccion, s’haràn totes es activitats un viatge a baishat era incidéncia lèu per complèt en territòri damb er objectiu d'aufrir era milhor experiéncia possibla as persones apuntades.

Eth projècte “Botja-te” aufrís era possibilitat de, pendent dus dies ara setmana, realizar activitats esportiues de baish esfòrç entà poder mantier un milhor estat de forma damb exercicis de gimnastica especifica, atau coma d’autes activitats coma talhèrs de ceramica, gessudes culturaus o excursions per diferentes zònes deth municipi qu'an un gran atractiu coma eth “Camin dera Bruisha” de Tredòs o eth romanic de Naut Aran.

Eth baile municipau, César Ruiz-Canela, destaque que “eth projècte de ‘Botja-te’ pòrte ja 19 ans en foncionament e açò demòstre eth sòn gran succès entre era nòsta gent grana deth municipi. Ei eth milhor esturment entà que toti eri poguen gaudir dera companhia de granes persones e que poguen gaudir mès era sua jubilacion que tant s'an guanhat damb eth pas des ans.

” Ath delà, explique que “era gent de tresau edat deth municipi son ua prioritat totau entà nosati. Aguesta activitat ei un succès consolidat e, a part, era marcha nordica foncione fòrça ben. De cada viatge i a ua aufèrta mès amplia entà toti eri en nòste municipi e açò mos hè èster fòrça erosi”.

Er Ajuntament de Naut Aran subvencione totes es activitats e aufrís era possibilitat de transpòrt damb autocar sense cap tipe de còst des dera madeisha poblacion de residéncia dera gent grana entà que poguen anar tà toti es talhèrs que s'aufrissen. Aguest programa ei totauments gratuït e encara i a places entà inscriuer-se damb data limit enquiath mes d'octobre.

Torne “Botja-te”, eth programa d'acompanhament entara gent grana de Naut Aran
Comentarios