ELECCIONS MUNICIPALS

Amador Marqués renauís eth sòn compromís per Bossòst "entà dar-li un nau impuls"

Eth candidat ara reeleccion a estat acompanhat peth tinent d’alcalde, Miguel Almansa, era Sindica d'Aran e Secretària Generau d'Unitat d'Aran, Maria Vergés, es companhs der actuau equip de govèrn
Amador Marqués 2
photo_camera Amador Marqués, alcalde de Bossòst e candidat ara reeleccion per Unitat d’Aran / UA

Er alcalde de Bossòst e candidat ara reeleccion per Unitat d’Aran, Amador Marqués, a presentat aué es sòns èishi programatics entàs eleccions locaus de mai, que passen per “balhar un nau impuls” ath municipi. D’aguesta forma, er alcaldable s’a comprometut a renauir eth sòn compromís per Bossòst per miei d’un equip de gent qu’incorporarà naui candidats e candidates e basarà eth sòn programa en “acabar era reforma dera trama urbana” e “dar un nau protagonisme as equipaments municipaus de tipe esportiu, sociau, culturau e economic”.

“Dempús d’un temps de reflexion personau e de dificultats collectives, ei eth moment de recuperar era illusion e era esperança dauant d’un pòble cada còp mès dinamic e damb mès potenciau entà plaçar-se coma un referent de coesion sociau e prosperitat economica”, segontes a explicat. Per açò, Marqués a manifestat qu’eth sòn ei un “projècte dubèrt a toti es vesins e vesies” damb era volentat de “somar esfòrci” e er objectiu de “hèr de Bossòst un pòble digne entà viué’i.

Eth candidat ara reeleccion a estat acompanhat peth tinent d’alcalde, Miguel Almansa, era Sindica d'Aran e Secretària Generau d'Unitat d'Aran, Maria Vergés, es companhs der actuau equip de govèrn, atau coma de diuèrsi vesins e vesies de Bossòst, en un acte qu’a agut lòc ena Hosteria Catalana.