Eth partit aranés presentarà ua mocion en pròplèu plen dera maxima institucion entà sollicitar, entre d’autes qüestions, ua PAC mès justa tàs zònes de montanha, eth compliment dera Lei dera Cadea Alimentària, era agilizacion des tràmits burocratics e qu’es politiques fiscaus e economiques s’adapten as caracteristiques des zònes de montanha coma Aran.
Deuant des darrères mobilizacions deth sector agricòla e ramadèr, Unitat d’Aran a previst presentar en pròplèu plen deth Conselh Generau d’Aran ua mocion entà mostrar eth supòrt ad aguest sector, atau e coma se ven hènt en diuèrses adminsitracions. Aguest tèxte a estat impulsat pera associacion “esMontañas” (Asociación Española de Municipios de Montaña) qu’intègre a mès de 300 municipis, comarques e deputacions de zònes de montanha de tot er Estat. En aguest sens, UA tanben presentarà era mocion enes ajuntaments aranesi des que forme part.
