En Plen der Institut d’Estudis Aranesi-Acadèmia aranesa dera lengua occitana deth passat dia 1 de juriòl s’incorporèren, coma Membres dera madeisha, Ramon Sistac e Thomas Field.
Ramon Sistac que a estat pendent mès de 50 ans professor de dialectologia ena Universitat de Lhèida ei, tanben, Membre der Institut d’Estudis Catalans, dera Seccion Filologica, e Membre dera Academia Aragonesa de la Lengua. Ei un bon coneishedor dera lengua occitana.
Tomas Field ei professor emerit de Lingüistica ena Universitat de Maryland en Baltimore (EEUU). Es sòns estudis e un numèro important de publicacions le presenten coma un des grani investigadors e un des milhors coneishedors dera varianta gascona dera lengua occitana.
Era incorporacion des dus membres siguec votada favorablement pera unanimitat des Membres dera Acadèmia.
Damb aguestes incorporacions era Acadèmia dera lengua occitana en Catalonha complète era sua composicion e ena actualitat compde damb 18 membres
