Bausen acuelh "Pòble Viu", eth hestivau transpirenenc de projèctes culturaus que amassarà a musicians, cantaires e artesans des dus costats des Pirenèus. Er objectiu der eveniment ei "méter era cultura ath servici deth pòble e es visitants", a trauès de cançons, dances collectives, teatre, gastronomia e cinèma, entre d'autes prepauses.
Era programacion de Pòble Viu se endegarà damb un collòqui e compdarà damb talhèrs maitiaus de reconstruccion de pèira shuta, espantaocells e pan artesanau, combinadi damb sessions de musica de tarde damb cantaires arribadi d'arreu deth Pirenèu. Tanben ei prevista ua amassada de acordionistes "damb desir de compartir e crear hilat pera cultura pirenenca". Atau madeish, i a programada era òbra de teatre 'Camins que parlen', dera Fanga Scenica, e era projeccion de documentaus damb degustacion de productes locaus. Es concèrts anaràn a cargue de Eths de Meteil, DJ Set e Era Cosia.
Era tarde de dimenge acordeonistes de toti es costats des Pirenèus s'amassaràn ena trobada d'acordeons que se celebrarà en hestivau Pòble Viu.Grani e petiti, amateurs e professionaus, e toti aqueri aimants d'aguest esturment de grana tradicion enes Pirenèus auem quedat entà hèr a sonar melodies, compartir experiéncies e hèr un hilat pirenenc de cultura acordeonista.
Bausen ei un testimòni fonamentau deth que ère la Vau d’Aran abans de l’arribada massiva deth torisme e dera trajectòria istorica e identitat dera collectivitat aranesa. enes actes deth hestivau tanben i serà present era libraria El Refugi de la Seu d'Urgell.
