TORISME

Eth govèrn d’Aran impulse tres rotes tematiques enes pòbles de Bossòst, Les e Vilamòs

Aguest projècte d’interés locau qu’a de servir entà potenciar eth torisme en tot recórrer es pòbles en visites guidades per supòrts materiaus e visuaus que permeten apropar as visitaires ara cultura e tradicions araneses
Bossòst CGA
photo_camera Eth govèrn d’Aran impulse tres rotes tematiques en eth pòble de Bossòst / @conselharan

Eth Conselh Generau d’Aran ven d’aprovar eth plec de clausules administratives particulares, der expedient de contractacion e dera licitacion des òbres de materializacion de tres rotes tematiques enes pòbles de Bossòst, Les e Vilamòs.

Damb aguesta actuacion se prevé materializar tres itineraris tematics experimentaus enes pòbles ath laguens der encastre deth Plan de Sostenibilitat Turistica dera Val d’Aran. Ua actuacion que preten méter en valor es pòbles deth territòri entà adaptar era aufèrta ara realitat toristica actuau.

Vilamòs CGA
Eth govèrn d’Aran impulse tres rotes tematiques en eth pòble de Vilamòs / @conselharan

En aguest sens se cerque era creacion d’aguesti itineraris en basa as tematiques de “Era fauna d’Aran” en Bossòst”, “Era istòria Medievau” en Les e es “Oficis des hemnes en Aran” en Vilamòs.

Atau e coma manifestaue eth conselhèr de torisme e promocion economica deth Conselh Generau d’Aran, Josep Canut: “aguesta prepausa permeterà ath visitaire conéisher parts destacades dera istòria, era fauna e era societat aranesa a trauès der emplec dera tecnologia”.

Les CGA
Eth govèrn d’Aran impulse tres rotes tematiques en eth pòble de Les / @conselharan

Aguesta ei ua des accions inclodida laguens deth Plan de Sostenibilitat Toristica qu’eth Conselh Generau d’Aran desvolope e qu’a coma principau objectiu convertir era Val d’Aran en ua destinacion toristica sostenibla en tot possar actuacions centrades ena mobilitat, era diversificacion de punts d’interès e era apòsta pes tecnologies e era innovacion entre d’autes despartides per tot eth territòri aranés.

Més a Val d'Aran