SALUT

Eth conselhèr Argimon era sindica d'Aran signen eth nau convèni entre Salut e eth Conselh Generau d'Aran

Er acòrd renauís eth marc institucionau de coordinacion entre CatSalut e eth Servici Aranés de Benèster e Salut entà qu’Aran pogue contunhar exercint es sues competéncies en matèria de sanitat, en collaboracion damb eth Departament de Salut
Argimon amb Maria Vergés Aran 2
photo_camera Eth conselhèr de Salut, Josep Maria Argimon, e era sindica d’Aran, Maria Vergés / Marta Lluvich

Eth conselhèr de Salut, Josep Maria Argimon, e era sindica d’Aran, Maria Vergés, an signat aguest maitin eth nau convèni entre eth Departament de Salut e eth Conselh Generau d’Aran entara coordinacion deth sistèma public de salut  en Aran, territòri qu’a es competéncies en matèria de salut transferides. Eth document establís eth marc de collaboracion entre eth CatSalut e eth Servici Aranés de Benèster e Salut (SABS), adaptat ar scenari normatiu actuau, en substitucion deth convèni de 2006, que perdec era sua vigéncia on octobre de 2020.

Eth conselhèr a explicat que se tracte d’un “convèni marc que dempús se va actualizant damb es diferentes addendes entà cada naua accion a on, ath delà, i a totes es aliances estrategiques que se mantien, des de centres espitalaris, ath Servici d’Emergéncies Mediques damb qui signèrem ara hè pògues setmanes, passant per Hospital del Mar, er Hospital de Vall d’Hebron o d’autes institucions pròpries dera Generalitat, que seguiràn existint e augmentant”.

Argimon amb Maria Vergés Aran
Eth conselhèr Josep Maria Argimon, e era sindica d’Aran, Maria Vergés, an signat eth nau convèni entre eth Departament de Salut e eth Conselh Generau /ACN

Argimon a valorat positivament era apòsta present e futura dera “atencion d’integracion sociau e de salut en Aran”. En aguest sentit a rebrembat que “impulsam era Agéncia Integrada Sociau e Sanitària pr’amor qu’es besonhs de salut d’ua persona no comencen e acaben un dia e ath dia següent comencen es besonhs sociaus, senon qu’ei un contínuum”.

Peth sòn costat, Vergés s’a mostrat plan satisfèta deth renauiment d’aguest convèni e a explicat que çò que hè eth document éi “”balhar-mos eth marc juridic deth traspàs dera competéncia entà qu’Aran pogue gestionar era sua sanitat de manèra autonòma, evidentament dera man deth Departament de Salut a trauès dera Region Sanitària Naut Pirenèu e Aran”. Ath delà, a hijut que “mos mèrque ua huelha de rota en d’autes qüestions coma son trabalhar enes airaus dera salut mental o era salut publica, enes quaus Aran tanben a es competéncies”.

Argimon amb Maria Vergés Aran 3
Espitau Val d'Aran / govern.cat

Eth 7 d’abriu de 2006, era Generalitat de Catalunya e eth Conselh Generau d’Aran formalizèren un prumèr conveni de collaboracion de desvolopament deth Decrèt 354/2001, de 18 de deseme, que regule era transferéncia de competéncies dera Generalitat de Catalunya ath Conselh Generau d'Aran en matèria de sanitat, damb era finalitat de facilitar-ne era aplicacion e fixar un mecanisme de relacion practic, flexible e estable entà coordinar es sues actuacions.