Un còp mès pendent aguesti dies, es Pompièrs d'Aran, damb era collaboracion des Agents de Miei Ambient deth Conselh Generau d'Aran, amorteren dus incendis forestaus en dia d'ager, produits es dus per un lampit.
Peth maitin, es dus còssi trebalhèren ena extincion d'un huec produit en barranc d'Arrò, concretament en Plan deth Coth. Tot e era complicada orografia deth terren, finaument eth origen siguec localizat pes Agents de Miei Ambient entara sua extincion, intervenguent dues dotacions des Pompièrs Emergéncies.
Pera tarde, gràcies ath esfòrç conjunt des dus organismes, s'artenhec era extincion d'un huec ena Boca Sud deth tunèl, concretament ena Val de Molières.
