Er Institut d’Estudis Aranesi-Acadèmia aranesa dera lengua occitana empren era realizacion dera Istòria d’Aran. Ei un projècte que s’assomís des dera Societat Filiau d’Istòria, Patrimòni e Identitat e que s’a encargat era Direccion dera òbra a Josep Maria Canabal, istoriador e professor.
Era òbra, articulada peth Delegat dera Societat Filiau, Jèp de Montoya e eth madeish Josep Maria Canabal a previst era participacion de mès de trenta collaboradors e mès de mil pagines, damb articles que van des dera descripcion des epòques primitives, enquiàs aconteishements mès importants des nòsti dies, en tot passar pera valoracion deth paisatge e er art pròpi deth país. Aguesta òbra ven a amplir ua grana mancança ena definicion dera identitat deth país.
