Er Ajuntament de Vielha e Mijaran a plaçat era naua valvula en depòsit d'aigua de Vielha, en tot auer substituït era anteriora, qu'ère vielha, pera naua que permeterà melhorar eth sòn servici enes nuclèus de Vielha e Betren, en tot garantir un subministrament avient.
Aguesta intervencion s'a realizat dempús d'auer impermeabilizat er interior e er exterior deth depòsit, en tot esvitar era pèrta e filtracions d'aigua.
Sonque manque plaçar un hilat ena part posteriora deth depòsit entà esvitar qu'eth moviment de tèrres pròvoque cap desperfècte en foncionament ordinari.
Damb aguesta actuacion se balhe contunhitat ath compromís der equip de govèrn de suenhar e apariar toti es depòsits d'aigua municipaus pendent aguesta legislatura, pr'amor qu'aufrissen un servici basic entara ciutadania e visitaires.
