SEGURETAT

Se cree era Comission de Seguretat en Montanha dera Val d’Aran

Aguesta Comission, qu’entrèc en foncionament era passada setmana, ei conformada peth GRM de Pompièrs d’Aran, es Agents de Miei Ambient e era UIM de Mossos d’Esquadra
Comission-seguretat-en-montanha Aran
photo_camera Se cree era Comission de Seguretat en Montanha dera Val d’Aran /CGA

Era setmana passada, se metec en foncionament era naua Comission de Seguretat en Montanha, creada e conformada peth Grop de Rescat en Montanha (GRM) des Pompièrs d’Aran, es Agents de Miei Ambient deth Conselh Generau d’Aran e era Unitat d’Intervencion en Montanha (UIM) de Mossos d’Esquadra.

Eth principau objectiu d’aguesta Comission ei amiar a tèrme un seguiment e contròl des installacions, accèssi e equipaments des zònes damb ua nauta perilhositat ena Val d’Aran, entà garantir-ne era seguretat des sòns usatgèrs e usatgères ena practica d’activitat ena montanha.

Un òrgan fòrça de besonh entath nòste territòri, a on s’amien a tèrme pendent tot er an un ampli ventalh d’activitats ar aire liure.