Quate ans enreire Aran Amassa apareish ath panorama politic de la Val d’Aran "en tot èster l’unica opcion politica capabla de trincar damb eth bipartidisme existent enquiath moment ath territòri". Maugrat que non artenhem representacion ath Conselh es resultats electoraus meten en evidéncia eth desir de cambiament d’ua bona part dera societat aranesa.
Damb eth pas deth temps aguesta idèa ei refortilha e Aran Amassa se dòte d’estructure, de recorsi, de persones convençudes deth besonh de hèr un torn ena politica aranesa. Mos convertim en l’alternativa reau d’esquerra, ua alternatiua de besonh, ua alternatiua qu’apòste fòrt peth benestar dera ciutadania a trauès dera melhora e l’ampliament des servicis publics e municipaus.
Ua alternatiua imprescindibla entà trincar damb un Conselh Generau bicolor, que viu enquistat damb es politiques de tostemp que solament beneficien es de tostemp. Volem bastir un Aran entà toti, un Aran diuèrs a on totes i auem cabuda.
