Amador Marqués, nau alcalde de Bossòst

Era naua Corporacion Municipau ei formada per 7 còssos d’UA e 2 de CDA.

IMG_20150614_021017 (1)
photo_camera Era naua Corporacion Municipau ei formada per 7 còssos d’UA e 2 de CDA.

Amador Marqués ei eth nau alcalde de Bossòst, dempús dera constitucion ager dera Corporacion Municipau.Escuelhut damb eth vòt des 7 còssos d’Unitat d’Aran-PSC-CP e 2 nuls de Convergéncia Democratica Aranesa-PNA, Marqués les a emplaçat a “trabalhar amassa pendent es 4 ans que vien e estacar eth major consens possible enes airaus d’interès generau entath desvolopament e era prosperitat deth pòble”.

 “Volem esforçar-mos per un Bossòst mès just, equitatiu e prospèr, que sap atier, sustot, as vesins e vesies mès fèbles e vulnerables, coma era nòsta mainadèra e era nòsta gent grana, mès tanben a toti aqueri que patissen es malurs dera economia”, a remercat er alcalde elècte, que pren eth relèu de Francisco Rodríguez Miranda dempús de 8 ans ath capdauant deth consistòri.

Marqués, que perceberà eth madeish sòu qu’auie coma tinent d’alcalde, propòse qu’er Ajuntament sigue“un espaci de trobada, de confidança e esperança, en tot recuperar er esperit dera bona politica, basada en dialòg, era participacion e era igualtat entà préner decisions mès justes e intelligentes”, en tot favorir es sectors clau dera ostalaria, eth torisme, eth comèrç, era indústria e aqueri que poguen promòir eth trabalh e eth benèster des sòns ciutadans.