Bagergue compde dejà damb era prumèra estacion de recarga semi rapida entà veïculs electrics d'emplec public e de liure accès es 24 ores deth dia, plaçada en Camin Pessòla, numerò 16 e que permet eth liurament d'enquia 22 kW de poténcia, e la recarga simultánea de dus veïculs.
Damb era activavion d'aguest punt de recarga, se finalize era execucion de dotar de Punts de recarga entà veïculs electrics en Naut Aran e que contemple era installacion d'un totau de 8 estacions de recarga en municipi.
Eth baile de Bagergue, Marc Tarrau, manifèste qu'era naua installacion permeterà er emplec d'aguestes installacions a vesins e visitants qu'an optat pera utilizacion d'aguest tipe de veïcul e qu'actuauments cada viatge mès gent demane aguest servici deuant er aument der emplec d'aguesti veïculs mès sostenible damb eth miei ambient.
COM UTILIZAR ETH PUNT DE RECARGA
Es/as usatgèrs/as de veïculs electrics poderàn recargar en Bagergue en tot emplegar era APP mobila “Recarga Pública Iberdrola”, disponibla tant en Play Store (entà dispositius Android) coma ena App Store d'Apple (entà iPhones). Des d'aguesta aplicacion se permet er inici e finalizacion dera recarga, era gestion en temps reau der estat dera carga, e consultar era disponibilitat des toti punts de recarga deth Hilat Peninsular.
Eth còst dera recarga ei de 0,21 €/kWh e damb ua poténcia de 22KW que permet recargar eth coche en un temps maxim de 2 ores.
Eth Hilat “Recarga Pública Iberdrola” dispòse d'un servici d'atencion telefonica 24 ores es 365 dies der an a trauès deth telefon 900929293 entà atier es incidéncies que poguen auer es usatgèrs.
