MUNICIPIS

Er Ajuntament de Naut Aran anóncie es bases entàs 200.000 èuros d’ajudes Covid-19 en municipi.⁣

Es ajudes se poiràn sollicitar mejançant ua instància enquiath pròplèu 10 de junh
Naut Aran ajudes covid
photo_camera Er Ajuntament de Naut Aran anóncie es bases d’ajudes Covid-19 / Ajuntament de Naut Aran

Er Ajuntament de Naut Aran anóncie es bases entàs 200.000 èuros d’ajudes Covid-19 en municipi.⁣ Aguestes bonificacions anaràn repartides dera següenta forma: ⁣

Entà accedir ath hons d'ajudes des familhes damb mès besonh (20.000 èuros), se precisarà un informe tecnic des servicis sociaus deth Conselh Generau d’Aran. Un còp especificat que se forme part d'aguest collectiu s'aufrirà era aportacion pendent un periòde de tres mesi. Dempús d’aguest periòde se tornarà a estudiar eth cas.⁣

Ath delà, es ajudes COVID-19 tanben contemplen ua partida de 180.000 èuros qu'anarà destinada as negòcis locaus e autonòms que non compden damb establiment.⁣

En aguest sens, es mès beneficiadi seràn es proprietaris d'un locau pr’amor que crubaràn eth 100% dera ajuda establida. Auràn de presentar eth darrèr rebut der IBI pagat en an 2020.⁣

Ath sòn torn, es autonòms sense sedença, arreceberàn un 30% deth totau que se destine entàs establiments. Auràn d’aportar eth rebut deth pagament d’autonòms deth passat mes de març de 2021.⁣

Es ajudes se poiràn sollicitar mejançant ua instància enquiath pròplèu 10 de junh