16.01.2022 |
Viure als Pirineus

ECONOMIA

Se constituís eth Conselh Economic e Sociau dera Val d’Aran

Ei format per representants des sectors economics e sociaus dera Val d’Aran e per tecnics e membres deth govèrn d’Aran.
Conselh Economica e Sociau
Se constituís eth Conselh Economic e Sociau dera Val d’Aran /CGA
Se constituís eth Conselh Economic e Sociau dera Val d’Aran

Ager dimèrcles s’amièc a tèrme ena sedença deth Conselh Generau d’Aran, era session constitutiva deth Conselh Economic e Sociau dera Val d’Aran, presidida pera sindica d’Aran e es conselhèrs de torisme e promocion economica dera maxima institucion.

Aguest organisme, format per representants sindicaus, deth sector der ensenhament e des associacions e grèmis d’empresaris, per persones de reconeishut prestigi enes airaus economic e sociau aranés, per representants deth SOC e per representants des ajuntaments aranesi, deth Conselh Generau d’Aran atau coma per diuèrsi tecnics dera maxima institucion, a coma objectiu possar es estudis que contribuïssen ath coneishement dera Val d’Aran e es sues potencialitats sociaus e promòir es actuacions adreçades a desvolopar-les en tot proposar accions entara incentivacion dera creacion d’ocupacion, era reactivacion deth consum, era captacion de naues empreses e inversions ena Val d’Aran atau coma era prepausa de politiques d’incentivacion dera contractacion de trabalhadors/es e entara formacion aucupacionau e prepauses de foment dera activitat economica en Aran.

Atau e coma declaraue era sindica d’Aran, Maria Vergés, “credem qu’era reactivacion d’aguest organisme, ath delà de qu’ei un des mandats dera Lei d’Aran ena sua disposicion addicionau setaua, ei mès de besonh que jamès entà, deuant dera situacion socioeconomica provocada pera crisi sanitària, poder debàter e trabalhar conjuntament damb eth sector empresariau e sociau deth territòri sus aqueri ahèrs qu’ei de besonh impulsar a trauès deth Conselh Generau d’Aran” e higie que adaptar eth teishit socioeconomic as naui rèptes que se mos plantegen coma era diversificacion economica, eth cambi climatic, era retencion deth talent o er impuls dera innovacion ei vitau entà nosati e ac volem hèr dera man dera participacion de toti es estaments implicadi”.

Eth Conselh Economic e Sociau siguec creat en octobre de 2010 e s’amassèc per prumèr viatge en gèr de 2011, totun, d’alavetz ençà non s’auie tornat a amassar.

" "
Se constituís eth Conselh Economic e Sociau dera Val d’Aran
Comentarios