Eth 4 e 5 de hereuèr arribe era 43au edicion dera Marxa Beret, era pròva d’esquí nordic mès assolidada que se realize en estat espanhòu.
Eth dissabte 4 de hereuèr, entàs 10:00 ores, se celebrarà era pròva “Sprint”, qu’aguesta edicion serà tanben Campionat d’Espanha de Sprint.
Eth dimenge, dia 5 de hereuèr, se disputarà era 43au edicion dera Marxa Beret, damb un circuit popular de 10 km ena zòna de Beret e Orri; eth de 21 km ena zòna de Beret, Orri e Montgarri e fin finau eth circuit de 42 km ena zona de Beret, Orri, Montgarri e direccion Marimanha.
Era Marxa Beret ei organizada peth Conselh Generau d’Aran, dera man de Baqueira Beret e eth Conselh Esportiu dera Val d’Aran. Compde damb era collaboracion dera Associacion Volentaris Val d’Aran, er Ajuntament de Vielha e Mijaran, er Ajuntament deth Naut Aran, Pompièrs d’Aran, Aran Salut, Mossos d’Esquadra, INS d’Aran, ath delà dera Reau Federacion Espanhòla Espòrts d’Iuèrn (RFEDI), era Federació Catalana d’Esports d’Hivern (FCEH) e es disparièrs patrocinadors.
Programa:
Diuendres, 3 de hereuèr
16:00 – Dubertura dera Sala d’Inscripcions (Conselh Generau d’Aran, Plaça d’Aran)
20:30 – Barrament dera Sala d’Inscripcions
Dissabte, 4 de hereuèr
09:00 – Dubertura dera Sala d’Inscripcions (Conselh Generau d’Aran, Plaça d’Aran)
10:00 – Campionat d’Espanha Sprint Plan de Beret
19:00 – Autrejament de prèmis Campionat d’Espanha (Centre Polivalent de Vielha)
19:30 – Presentacion «43au Marxa Beret» (Centre Polivalent de Vielha)
21:00 – Barrament dera Sala d’Inscripcions (Conselh Generau d’Aran, Plaça d’Aran)
Dimenge, 5 de hereuèr
10:00 – Gessuda 43au Marxa Beret
13:30 – Autrejament de prèmis (Beret)
14:00 – Cerimònia de Clausura (Beret)
15:00 – Barrament deth circuit
