Bagergue se premanís entà víuer ua des cites mès demorades deth calendari de Nadau. Aguest dissabte 3 de gèr de 2026, eth pòble receberà era visita deth Page Reiau, encargat de recuélher es cartes des mainatges e mainades dirigides as Majestats es Reis d’Orient.
Er acte aurà lòc tàs 18.00 ores ena glèisa de Sant Fèlix de Bagergue, un espaci emblematic que se convertirà, un an mès, en punt d’amassada de familhes, mainatges e mainades en ua vrespada plia de magia, illusion e tradicion.
Des dera organizacion se convide a tota era mainadèra deth pòble, dera Val d’Aran e des familhes que passen uns dies entre nosati, a portar era sua carta premanida entà liurar-la personauament ath Page Reiau, que la harà arribar a as Majestats entà que cap desir quede sense responsa era net de Reis.
Aguest activitat, organizada pera EMD de Bagergue damb era collaboracion der Ajuntament de Naut Aran e eth Bisbat d’Urgell, forme part deth conjunt d’accions de Nadau qu’an coma objectiu preservar e reforçar es tradicions populares, en tot fomentar era participacion e era coesion sociau dera Val d’Aran.
Era EMD de Bagergue anime a participar en aguest acte tan especiau, pensat entàs mès petits e es familhes, e que cad’an vò èster un moment fòrça demorat pendent aguestes hèstes.
