Ena agenda culturau d’aguest ostiu non podien mancar es actuacions deth dejà consolidat Romanic Musicau, qu’enguan celèbre era sua 24au edicion. Eth Departament de Torisme deth Conselh Generau d’Aran a aufrís un programa de 4 concèrts gratuïts toti es diuendres d’aguest mes d’agost.
S’era meteorologia ac permet, es concèrts auràn lòc en exeterior des 4 glèises, çò que permeterà gaudir des concèrts en un hons d’estetica romanica.
Eth prumèr espectacle serà aguest diuendres, 4 d’agost, ena glèisa de Sant Blai de Les, damb era actuacion de “Clau de Do”, quartet de viòles des Tèrres de Ponent.
Eth diuendres, 11 d’agost, ena glèisa de Salardú aurà lòc era actuacion de “Trio Orfeu” es quaus aufriràn un concèrt damb instruments de còrda.
Era tresau actuacion aurà lòc eth diuendres, 18 d’agost, ena glèisa de Sant Fèlix de Vilac, dera man deth duo de flaüta “Duo Bortziri”.
Barrarà aguest cicle eth trio de calamèths “Trio George Auric”, eth diuendes 25 d’agost ena glèisa dera Purificacion de Maria de Bossòst.
