14:45h. Diumenge, 23 Juliol de 2017

Acte de reconeishement as esportistes e entitats deth Naut Pirinèu e Aran 2016

Er acte de reconeishement as esportistes deth Naut Pirenèu e era Val d’Aran, que pendent er an 2016 an destacat pes sòns merits e esfòrci esportius.

esportistes e entitats deth Naut Pirinèu e Aran 2016
esportistes e entitats deth Naut Pirinèu e Aran 2016

Eth secretari generau der Espòrt dera Generalitat de Catalonha, Gerard Figueras, acompanhat entre d’auti deth vicesindic d’Aran e conselhèr d’Espòrts, Luís Carlos Medina, a presidit ena Seu d’Urgell, er acte de reconeishement as esportistes deth Naut Pirenèu e era Val d’Aran, que pendent er an 2016 an destacat pes sòns merits e esfòrci esportius.


En cas des esportistes aranesi, s’a arreconeishut a Miguel Caballero Ortega (Club Excursionista Aran); Lydia Iglesias Bares (ANEC); Marc Vidal Bardolet (ANEC); Roger Espinet (CAEI); Julia Bargalló (CAEI), Àlex Puente (CAEI); Lluc Montes (CEVA); Octavi Arís (CAEI); Ana Ramón Hinojosa (CEVA); Marta Moreno Ramos (CAEI); María Iglesias Bares (ANEC); Andreu Perdices (Club Sant Pere i Sant Pau).


En acte, celebrat ena Sala Santa Domènec dera Seu d’Urgell, s’a distinguit a 51 esportistes de naut nivèu e a 2 clubs esportius pes sòns merits pendent er an 2016. Des 53 reconeishences liurades, 51 an estat a esportistes individuaus, corresponents a 21 hemnes e 30 òmes. Es arreconeishudi apartien a 20 clubs e entitats diferentes, des que 17 damb sedença en Naut Pirenèu e Aran, e s'includissen en 7 disciplines esportiues o federacions diferentes: activitats subaquatiques, basquetbol, excursionisme, espòrts d’iuèrn, motociclisme, piragüisme e voleibol.

Pendent er acte de reconeishement as esportistes, eth vicesindic e conselhèr d’espòrts d’Aran, Luís Carlos Medina, expressèc era satisfaccion deth Govèrn d’Aran pes succèssi artenhudi pes esportistes aranesi aguesta sason e metec en evidéncia qu'eth Conselh Generau d’Aran contunharà en tot aufrir eth sòn supòrt as esportistes aranesi pr'amor que poguen contunhar en tot mantier eth naut nivèu demostrat pendent er an 2016.