Er ajuntament de Naut Aran realize trabalhs de prevencion dauant d’aigüats en arriu Garona en Salardú e Tredòs

Er Ajuntament de Naut Aran, damb personau pròpri, a desbrossat tota era zòna deth casc urban der arriu Garona ath sòn pas pera poblacion de Salardú.

Des deth consistòri, compden damb era aprobacion dera Agéncia Catalana der Aigua, era Confederacion Idrografica der Èbre autant coma er informe de Miei Ambient deth Conselh Generau entà amiar endauant aguesta accion. Er Ajuntament de Naut Aran compda damb ua subvencion der ACA tà hèr es trabalhs.

Un viatge hèt aguest tram urban en parçan de Salardú, es tecnicians s'an desplaçat enquia Tredòs tà hèr tanben era neteja d’aguesti entorns. "Damb aguesta actuacion mos asseguram d’auer eth lhet der arriu en bones condicions per se i auesse increments deth caudau d’aigua e non se poguen produsir majors incidéncies", an explicat hònts municipaus.