Er Ajuntament de Bossòst a aprovat era memòria entà recuperar enguan era pista de tènnis

Er Ajuntament de Bossòst a aprovat, aguesta setmana, era memòria entà recuperar enguan era pista de tènnis plaçada ath costat deth nau camp de pàdel, ena Zòna Esportiva.

Es trabalhs, avaloradi en 25.000 èuros, consistissen en adequar e melhorar era installacion actuau, en tot bastir un nau paviment asfaltic e un perimètre renauit, damb nau enlumenat e sistèma automatic de dubertura.