Bagergue estree eth són magasèm municipau

Era EMD de Bagergue ja dispòse deth sòn magasèm municipau. Aguest nau equipament serà destinat entath parcatge dera maquinària entara neteja de nhèu e eth magazematge deth mobiliari urban qu'en iuèrn non se pòt deishar en exterior e tanben, tot eth materiau que dispòse era Entitat Menor Descentralizada de Bagergue

En primauera s’acabará er enjardinament dera part superiora, a on se dispausarà d'un espaci polivalent entara practica d'espòrt ar aire liure e damb equipaments esportius biosaludables.

Aguesta naua infrastructura s'a lheuat en ua parcèla municipau de 500 m2, a on ei plaçat era bastissa a on se trape era sala sociau e era sala de hèstes de Bagergue e a on se plaçaue eth parc infantil. En 2021 eth nau parc infantil se plaçarà en ua naua ubicacion, concrètaments en ua parcèla qu'a aquerit recentaments era EMD de Bagergue e que melhorarà er estat que presentaue abantes.

Eth nau magasèm municipau cònste d'ua planta baisha damb ua superfícia totau de 102’60m2. Damb accès entà veïculs e servís tath magasèm entà equipament pesat, maquinària, carròsses, eca.

"Era augment de mobiliari urban, jardinères, maquinària, materiaus e estruments municipaus hège de besonh eth bastiment d'un nau magasèm municipau a on podessen centralizar-se tot aguest materiau e ath madeish viatge servir de parcatge entara maquinària deth servici de neteja de nhèu. Aguesta naua infrastructura s'a dessenhat entà que sigue çò mès foncionau, practica e agila entàs besonhs deth pòble", afirme Marc Tarrau, baile de Bagergue.