01:19h. Dijous, 24 d'Agost de 2017

Exposicion collectiva d'artistes d’Aran 2017

Er orari dera exposicion ei de deluns a dissabte de 17:00 a 21:00 ores.

Exposicion collectiva artistes Aran 2017
Exposicion collectiva artistes Aran 2017

Des deth passat dissabte e enquiath 24 d'agost se pòt veir ena glèisa de Sant Joan d'Arties era 5au Exposicion collectiva d'artistes d’Aran 2017- David Beso.

Era tematica dera exposicion enguan ei "Es païsatges ena taula", damb er objectiu de promòir e difóner era òbra des artistes aranesi.

aran

Eth "Hilat de Musèus d’Etnologia de Catalonha" que ne participe eth Musèu dera Val d'Aran a organizat era exposicion itineranta "Es païsatges ena taula" que a compdar de març de 2016 enquia gèr de 2018 viatjarà per tot eth territòri catalan.

Pendent er an 2017 eth Musèu dera Val d’Aran darà un pas endeuant entara coneishença dera gastronomia aranesa e tot çò religat, present, passat e futur, coma pòt èster era origina des productes (cultius, pagesia, importacion), es tecnicianes d'elaboracion e conservacion, era manèra de méter era taula, er acte de minjar, eth comèrç.

Eth musèu vò dar a conéisher a trauès d'un miralh dubèrt entath public era tradicion gastronomica, es sues influéncies, es sòns condicionaments, mès non solaments des deth sòn vessant estrictaments culinari mès tanben des deth vessant uman de relacion sociau e familhau, sense desbrembar era evolucion d'aguesta gastronomia e era sua innovacion.