PATRIMONI

Retorne era imatge de Sant Jaime ara glèisa de Santa Maria d’Arties

Eth Conselh Generau d’Aran encarguèc era restauracion d’aguesta escultura qu’ei dejà plaçada en sòn lòc abituau
Sant Jaime a Santa Maria d'Arties
photo_camera Era imatge de Sant Jaime ara glèisa de Santa Maria d’Arties /CGA

Dempús dera sua restauracion pendent es darrèri mesi de 2020, dejà a retornat ara glèisa de Santa Maria d’Arties era imatge gotica de Sant Jaime.

Dempús dera restauracion amiada a tèrme, resulte evident era similitud des caracteristiques qu’aguesta imatge e era de Sant Joan Baptista, plaçades as dus costats der autar major dera glèisa, presenten: uelhs clari e ametladi, peu ròi, carnacions clares e rosades, celhes arcades e nas fin e rècte, en tot evidenciar qu’andues òbres pertanhen ath nomentat grop deth talhèr de Comenge (s. XIII-XIV).

Damb aguesta restauracion, qu’auec lòc enes installacions deth Centre de Restauracion de Bens Mòbles de Catalunya, se retirèren es repintats moderns, en tot deishar ath descubèrt era policromia originau, se rectifiquèc era union deth braç damb era man dreta e se dotèc ara imatge de major estabilitat.