Iniciam era sason de romiatges enes pòbles de Vielha e Mijaran

Es romiatges son tradicions populares e culturaus  enes que  se  demane as sants era protección des tèrres e des persones e a on s’amasse tot eth pòble.

UNHA-17
photo_camera Esglèsia de Santa Eulàlia a Unha

Des der Ajuntament de Vielha e Mijaran credem ena importància de contunhar celebrant es hèstes mès tipiques deth nòste territòri. Es romiatges o santets son un clar exemple dera identitat culturau d’un pòble. Eth romiatge ei ua hèsta catolica que consistís en dirigir-se tot eth pòble amassa entà un santuari o capèla a on se tròbe un sant o ua vèrge. Un còp toti ena capèla, eth capelhan benedís eth terme, es animaus e es persones deth territòri e tanben demane emparament ath sant.

Es romiatges eren practiques religioses qu’aué en dia s’an convertit en tot un event idonèu entà hèr pòble. Es vesins s’arremassen, mingen e celèbren toti amassa, era arribada dera primauera e der ostiu. Tanben ei eth moment de celebrar qu'a finalizat er iuèrn e qu'es pagesi pugen eth bestiar tàs parts mès nautes des montanhes.

Es prumèrs romiatges d’aguest mes de mai son eth Santet de Sant Joan de Vila e Arròs eth dia 7, era Mair de Diu des Desamparats (Montcorbau) eth dia 14 e  eth romiatge de Santa Quitèria (Boca sud deth tunèl) eth dimenge 21.