SERVICIS AMBIENTAUS DERA VAL D'ARAN

Eth Conselh Generau melhora es entorns de Colomèrs

En concrèt s'a substituït ua des passarèles que permet trauessar un des barrancs qu'ère maumesa

Colomers
photo_camera S'a substituït ua des passarèles que permet trauessar un des barrancs qu'ère maumesa/CGA

Eth Conselh Generau d’Aran a trauès dera enterpresa Servicis Ambientaus dera Val d’Aran (SAVA SL) destine 49.177,21€ a desparières accions entà melhorar es accèssi e er entorn dera zòna de Colomèrs e Restanca.
En concrèt s'a substituït ua des passarèles que permet trauessar un des barrancs qu'ère maumesa. Dempús dera substitucion dera passarèla era zòna serà degudaments senhalizada damb era installacion de dus pannèus informatius que se plaçaràn ar inici des camins d'accès a pè a Colomèrs e en Restanca.
Eth Departament d'Agricultura, Ramaderia e Miei Naturau tanben a previst engrodonar un tram deth camin ath costat deth parcatge que da accès entà Restanca.
Eth vicesindic e baile de Naut Aran, Cesar Ruíz Canela, a soslinhat qu'aguesta accion deth Govèrn d’Aran s'includís laguens des accions de consolidacion des dues principaus pistes d'accès en Naut Aran coma son es d'Aiguamòg e Valarties.
Eth Conselh Generau d’Aran realize aguestes accions mejançant ua subvencion deth Parc Nacionau d'Aigüestòrtes e Estany de Sant Maurici.