Imprimir

Es Agents de Miei Ambient deth Conselh realizen contròls d’accès motorizat ath miei naturau e de caça en Aran

viurealspirineus | 17 de septiembre de 2020

Agents-Miei-Ambient-motorizat
Agents-Miei-Ambient-motorizat
Aguestes actuacions d’inspeccion an coma finalitat comprovar eth compliment dera normativa vigenta

Eth passat mes d’agost, eth Conselh Generau d’Aran publiquèc er Edicte que regule era activitat cinegetica ena Val d’Aran pendent era sason 2020-2021 e qu’indique er inici dera tempsada de caça.

Enguan, pr’amor dera grana afluéncia de visitants en territòri que s’a registrat pendent agost e prumères setmanes de seteme, e qu’a coincidit damb er inici dera tempsada de caça ena Val d’Aran, es Agents de Miei Ambient deth Conselh Generau d’Aran an auut d’intensificar es sòns prètzhèts de contròl en miei naturau.

Agents-Miei-ambient-2-1024x484

“S’amien a tèrme aguesti dies diuèrses actuacions d’inspeccion e contròl en matèria d’accès motorizat ath miei naturau e de caça, damb era finalitat de comprovar eth compliment dera normativa vigenta”, explique eth conselhèr de Territòri, Paisatge e Gestion Ambientau, Francés Bruna, que hig que: “quauques d’aguestes actuacions d’inspeccion se hèn de manèra conjunta damb d’auti còssi e fòrces de seguretat, coma es efectuades era passada dimenjada damb es Mossos d’Esquadra”.

En un solet dia s’an arribat a realizar diuèrses inspeccions qu’an comportat dues denóncies per incompliment dera normativa d’accès motorizat. Ei previst qu’aguesti contròls contunhen ath long dera tempsada de caça.

 

Puede ver este artículo en la siguitente dirección /articulo/val-daran/es-agents-miei-ambient-deth-conselh-realizen-controls-d-acces-motorizat-ath-miei-naturau-caca-aran/20200917105754021188.html


© 2021 Viure als Pirineus

Av. Passeig del Parc. 26 25700 La Seu d'Urgell 973 989162  [email protected]