Imprimir

Er IEA e Antoni Nogués signen un convèni entara difusion des traduccions ar aranés d'òbres dera literatura internacionau

viurealspirineus | 30 de d'Octubre de 2018

Eth president dera Academia aranesa dera lengua occitana, Jusèp Loís Sans e er autor Antoni Nogués/Pep Casasayas
Eth president dera Academia aranesa dera lengua occitana, Jusèp Loís Sans e er autor Antoni Nogués/Pep Casasayas

Es òbres se penjaràn ena web eth prumèr dia de cada mes, a arrason d'ua per mes, e començaràn a publicar-se a compdar der 1 de gèr der an 2019. Era prumèra des traduccions publicades serà Anna Karenina de Leon Tolstói,

Er IEA- Academia aranesa dera lengua occitana e er autor Antoni Nogués an signat un convèni qu'er autor cedís ar IEA de manèra gratuïta es traduccions ar aranés d'òbres dera literatura internacionau entara sua difusion, damb er objectiu que siguen utils entara lengua occitana.

Entà hèr era difusion des òbres, er IEA-AALO, abilitarà ua part dera sua web a on penjarà aguestes traduccions en format pdf a on es usatgèrs poderàn accedir gratuïtaments. Era publicacion d'aguestes traduccions se harà jos eth títol de "Colleccion Antoni Nogués".

Era signatura deth convèni de collaboracion siguec a cargue deth madeish Antoni Nogués e deth president der IEA-AALO, Jusèp Loís Sans. Ara signatura tanben assistic eth president dera Seccion Aranesa der IEA-AALO, Jèp de Montoya.

Es òbres se penjaràn ena web eth prumèr dia de cada mes, a arrason d'ua per mes, e començaràn a publicar-se a compdar der 1 de gèr der an 2019. Era prumèra des traduccions publicades serà Anna Karenina de Leon Tolstói, que li seguiràn Guèrra e Patz deth madeish autor; Eth Latzèret de Tormes, anonim; Es frairs Karamazov e Crim e castig de Fiòdor M. Dostoievski, Eth Buscon de Francisco de Quevedo; Era GitanetaEra illustra serventaEth gelós extremenh e Rinconete e Cortadillo de Miguel de Cervantes; Condes de Hans Christian Andersen; Es aventures de Tom Sawyer de Mark Twain; e Es Miserables de Victor Hugo.

Puede ver este artículo en la siguitente dirección /articulo/val-daran/er-iea-antoni-nogues-signen-conveni-entara-difusion-des-traduccions-ar-aranes-dobres-dera-literatura-internacionau/20181030113804012645.html


© 2019 Viure als Pirineus

Av. Passeig del Parc. 26 25700 La Seu d'Urgell 973 989162  [email protected]