Imprimir

Comence era senhalizacion deth Camin de Sant Jaime ath sòn pas per Aran

viurealspirineus | 13 de septiembre de 2019

Senhalizacion deth Camin de Sant Jaime ath sòn pas per Aran/Conselh Generau d'Aran
Senhalizacion deth Camin de Sant Jaime ath sòn pas per Aran/Conselh Generau d'Aran
Era totalitat deth traçat aranés d’aguest camin transcor per camins dejà senhalizadi peth Conselh Generau

 

Era recuperacion deth Camin de Sant Jaime Aran-Pirenèus continue auançant e dejà s’a iniciat era fasa de senhalizacion.

Entà garantir era comoditat, prudéncia e, sustot, era seguretat des futurs peregrins que trauessaràn era Val d’Aran, s’estan installant 12 banderòles naues, vitòles e pegasolets ena senhalizacion dejà existent, atau coma balises de seguiment ath long deth camin.

Ath delà, tanben se plaçarà un pannèu de 35x50cm en Pontaut e dus pannèus grani de 100x150cm en Vielha e Conangles.

Aguest projècte recupère eth camin de Sant Jaime entre Saint Bertrand de Comminges e Berbegal (Somontano) ath sòn pas pera Val d’Aran. Era totalitat deth traçat aranés d’aguest camin transcor per camins senhalizadi peth Conselh Generau d’Aran.

Aran_Pireneus-964x1024

Era senhalizacion deth camin Sant Jaime Aran-Pirenèu ei includida en marc deth Programa de Desvolopament Rurau de Catalonha 2014-2020. Enguan s’establic un convèni de collaboracion entre eth Conselh Generau e eth Conselh Comarcau dera Nauta Ribagorça, peth quau cada institucion invertís 17.085 euròs entara senhalizacion.

Puede ver este artículo en la siguitente dirección /articulo/val-daran/comence-era-senhalizacion-deth-camin-sant-jaime-ath-son-pas-per-aran/20190913115313015807.html


© 2019 Viure als Pirineus

Av. Passeig del Parc. 26 25700 La Seu d'Urgell 973 989162  [email protected]