Pendent eth dia d’aué, 19 d’agost, ath torn de 120 mainatges e mainades d’edats comprenudes entre es 3 e es 12 ans s’an amassat en Salardúen ua jornada organizada pera Escòla d’Educadors en Léser en Miei Naturau dera Val d’Aran, titolaritat deth Conselh Generau d’Aran.
Aguest centenat de mainatges e mainades participen en ostiu enes casaus aranesi Era Trauessa (Salardú), Explòra (Bossòst), Escòla Tchaikovsky (Vielha) e CAEI (Vielha).
Er objectiu dera jornada ère méter en contacte es diferenti casaus que desvolòpen era sua activitat de léser e educativa pendent aguesti mesi, atau coma potenciar e dar a conéisher era Escòla de Léser deth Conselh,que desvolòpe era sua activitat en Salardú, amassa damb era Escòla de Tecnics Esportius dera Val d’Aran (ETEVA).
Pendent eth maitin es diferenti grops d’edat an realizat activitats relacionades damb eth mèdi ambient e eth besonh de protegir-lo.
Dempús deth dinar que s’a celebrat amassa, tota era mainadèra a participat en un jòc de pistes peth pòble de Salardú, que les portaue a trapar un tresaur amagat enes installacions dera escòla. Un còp es petits an trapat eth tresaur, s’a procedit ara entrega de diplòmes a toti es monitors e responsables qu’an participat ena trobada.
An participat ath torn de 120 mainatges e mainades des casaus Era Trauessa (Salardú), Explòra (Bossòst), Escòla Tchaikovsky (Vielha) e CAEI (Vielha)
Aguesta iniciatiua a compdat damb eth supòrt der Airau de Joenessa e er Airau de Coneishement deth Conselh Generau.Era Escòla d’Educadors en Léser en Miei Naturau dera Val d’Aran convòque un cors de director de léser en dimenjades e en modalitat semipresenciau, que començarà eth pròplèu 14 de seteme e finalizarà er 1 de deseme. Es persones interessades pòden demanar mès informacion ath mail [email protected] o ben per telefon, en tot picar ath 973 64 45 95.
