Imprimir

Activitat conjunta dera Escòla Garona e deth GRM des Pompièrs d’Aran laguens deth Programa Erasmus +

viurealspirineus | 17 de octubre de 2017

Activitat conjunta dera Escòla Garona e deth GRM des Pompièrs
Activitat conjunta dera Escòla Garona e deth GRM des Pompièrs

Eth projècte va dirigit a un hilat de “partenaires” de tres regions: Lengadòc-Rossellon, Val d'Aosta e Piemont, e era Val d'Aran

155 mainatges e mainades; 46 italians, 49 francesi e uns seishanta aranesi, an participat enes activitats ludiques organizades pera Escòla Garona amassa damb eth GRM (Grop de Rescat de Montanha) des Pompièrs d’Aran, en escambi deth Programa Erasmus +. Activitats que les permeten aprigondir en aguest escambi.

Eth GRM des Pompièrs d’Aran, a premanit tres talhèrs de prevencion e seguretat en montanha, un de “tirolina” en tot crotzar er arriu, d'aute d'iniciacion ath descens damb còrda (ràpel) e eth tresau de rescat de lauegi, damb recèrca damb ARVA e eth materiau que s'utilize en un rescat, que daurissen era possibilitat de desvolopar mès activitats religades damb era prevencion e era seguretat ena montanha entà qu’es mainatges e mainades poguen desvolopar-se damb seguretat en aguest miei.

Aguestes activitats s'includissen laguens der escambi de professors e alumnes en programa Erasmus + "Eth jardin ... ena taula, dalla tavola ... à la poubelle", d'educacion infantila, primària e segondària a trauès d'activitats d'ensenhament bi-plurilingüe e digitau que velhen pera gestion der entorn, era biodiversitat, era actitud des consumidors e ciutadans responsables, eth reciclatge, eth reusatge, era alimentacion e educacion entara salut.

Eth projècte va dirigit a un hilat de “partenaires” de tres regions: Lengadòc-Rossellon, Val d'Aosta e Piemont, e era Val d'Aran.

Es alumnes de 6au cors d'educacion primària dera Escòla Garona e alumnes francesi viatgèren pera Val d'Aosta eth passat mes de mai e, ara, aguesta setmana deth 16 d'octobre, 46 alumnes italians e 49 francesi visiten era Val d’Aran. En mai de 2018 es alumnes aranesi e italians viatjaràn entà Losèra (França).

Puede ver este artículo en la siguitente dirección /articulo/val-daran/activitat-conjunta-dera-escola-garona-deth-grm-des-pompiers-d%E2%80%99aran-laguens-deth-programa-erasmus/20171017101407009562.html


© 2019 Viure als Pirineus

Av. Passeig del Parc. 26 25700 La Seu d'Urgell 973 989162  [email protected]