25.05.2019 |
Viure als Pirineus

ECONOMIA

Trabalhadors jubilats d'Endesa se manifèsten ena Val d’Aran en defensa des sòns drets sociaus

Es ex trabalhadors d'Endesa reclamen era mantenença des drets sociaus e era tarifa electrica arreconeishudi en sòn dia pera companhia as trabalhadors jubiladi.

Trabalhadors jubilats e pre-jubilats dera companhia Endesa se manifestèren eth dimèrcles ena Val d’Aran/Conselh Generau d'Aran
Trabalhadors jubilats e pre-jubilats dera companhia Endesa se manifestèren eth dimèrcles ena Val d’Aran/Conselh Generau d'Aran
Trabalhadors jubilats d'Endesa se manifèsten ena Val d’Aran en defensa des sòns drets sociaus

Un centenat de trabalhadors jubilats e pre-jubilats dera companhia electrica Endesa se manifestèren eth dimèrcles ena Val d’Aran entà reclamar ara companhia italiana ENEL, actuau proprietària dera companhia, es sòns drets sociaus. Ath delà des trabalhadors dera Val d’Aran, ara manifestacion tanben i anèren trabalhadors deth Palhars Jussà, Palhars Sobirà e dera Ribagorça.

Es ex trabalhadors d'Endesa reclamen era mantenença des drets sociaus e era tarifa electrica arreconeishudi en sòn dia pera companhia as trabalhadors jubiladi, pre-jubiladi e as veudes d'aguesti, qu'en fòrça casi se tròben en ua situacion d'absoluta indefensión.  

Es manifestants expliquèren qu'er assag de retalhes sociaus per part dera companhia italiana afècte a 36.000 persones en tota Espanha, que 9.000 son de Catalonha, i ena Val d’Aran afècten a 124 familhes.

Dempús de manifestar-se deuant es locaus dera companhia en Mijaran, es manifestants se desplacèren enquiara sedença deth Conselh Generau d’Aran, a on sigueren arrecebudi peth sindic d’Aran, Carlos Barrera, que mostrèc tot eth sòn supòrt, a nivèu personau e coma sindic d’Aran, as revindicacions des trabalhadors.

Carlos Barrera, trasladèc as manifestants qu'eth Govèrn d’Aran amiarà ath pròplèu plen deth Conselh Generau d’Aran era peticion de supòrt as sues revindicacions.

Comentarios