18.04.2019 |
Viure als Pirineus

COMISSION BILATERAU

Elsa Artadi e Carlos Barrera signen er acòrd deth finançament der Aran

Es negociacions der acòrd s’an esperlongat pendent es darrèri tres ans pera aplicacion der article 155 e era succession de desparièrs conselhèrs deuant dera conselheria d’Interior dera Generalitat.

Era conselhèra dera Presidéncia, Elsa Artadi e eth sindic d’Aran, Carlos Barrera/CGA
Era conselhèra dera Presidéncia, Elsa Artadi e eth sindic d’Aran, Carlos Barrera/CGA
Elsa Artadi e Carlos Barrera signen er acòrd deth finançament der Aran

Aquel divendres al Palai de la Generalitat s’a formalizat eth convèni de finançament der Aran enes tèrmes aprovadi pendent era amassada deth consell executiu dera Generalitat celebrat eth passat 11 de març ena sedença deth Conselh Generau d’Aran.

Era signatura deth convèni per part dera conselhèra dera Presidéncia, Elsa Artadi e eth sindic d’Aran, Carlos Barrera, s’a realizat pendent era amassada dera Comission Bilaterau entre eth Govèrn dera Generalitat e eth Conselh Generau d’Aran celebrada aquel divendres.

Comissió Bilateral Aran

Per d’auta part, eth secretari generau deth Departament d’Interior, Brauli Duart, informèc ara Comission der acòrd institucionau d’ampliament dera dotacion economica peth traspàs dera competéncia deth Servici de Pompièrs e Emergéncies d’Aran. Ena pròplèu Comission Bilaterau se formalizarà era aprobacion d’aguest acòrd, damb era volontat que sigue efectiu pendent eth pròplèu mes d’abriu.

Es negociacions der acòrd s’an esperlongat pendent es darrèri tres ans pera aplicacion der article 155 e era succession de desparièrs conselhèrs deuant dera conselheria d’Interior dera Generalitat.

Comentarios