17.04.2021 |
Viure als Pirineus

VALORS PATRIMONIAUS

Se presente era candidatura dera Resèrva dera Biosfèra dera Val d’Aran deuant des organismes competents

Pendent er an 2022, eth Comitat Espanhòu deth Programa Òme e Biosfèra (MaB) revisarà era candidatura dera Val d’Aran e decidirà s’a de èster remitida ara UNESCO entara sua consideracion
Aran candidatura Biosfera UNESCO 2
Candidatura dera Resèrva dera Biosfèra dera Val d’Aran /CGA
Se presente era candidatura dera Resèrva dera Biosfèra dera Val d’Aran deuant des organismes competents

Era candidatura dera Resèrva dera Biosfèra dera Val d’Aran dejà a estat presentada ath Comitat Espanhòu deth Programa Òme e Biosfèra (MaB) e serà revisada peth Conselh Scientific d’aguest organisme pendent er an que ven. A finaus de 2022, eth Comitat decidirà s’era nòsta candidatura a d’èster remitida ara UNESCO entara sua consideracion.

Pendent eth darrèr an, eth Conselh Generau d’Aran, a trauès des empreses Inèdit e Verd e Blu, a trabalhat en procés de redaccion dera candidatura dera Resèrva dera Biosfèra dera Val d’Aran, un procés ath quau an dat supòrt un important nombre d’administracions publiques e empreses deth territòri, e qu’a estat dubèrt ath debat e participacion ciutadana.

Formar part der hilat internacionau des Resèrves dera Biosfèra supausarie ua grana oportunitat entara Val d’Aran, pr’amor que supausen figures de promocion e reconeishement que poténcien e meten en valor es particularitats dera zòna.

Ath delà, era candidatura dera Resèrva de la Biosfèra dera Val d’Aran, pr’amor des sues caracteristiques de implementacion supausarà un rèpte entà ua organizacion mès sostenible e acòrd damb eth territòri.

En aguest sens, era sindica d’Aran, Maria Vergés, afirmaue que: “esdevier un laboratòri viu supausarie qu’Aran servirie coma esturment d’experimentacion e definicion de naui modèus territoriaus sostenibles e resilients” e higie que “un des principis basics d’aguest laboratòri viu serie potenciar era dinamizacion e reactivacion des sectors socioeconomics deth territòri, autant innovadors coma tradicionaus, en tot traccionar atau eth modèu economic desirat per tota era ciutadania e a on s’includisquen es nòsti valors patrimoniaus”.

Se presente era candidatura dera Resèrva dera Biosfèra dera Val d’Aran deuant des organismes competents
Comentarios