"Mèstres, artesans o artistes?", ei ua mòstra d'oficis tradicionaus a on volem dar a conéisher es tecniques de trebalh, materiaus o airines entath bastiment e ornamentacion des nòstes glèises. Era glèisa de Sant Joan d'Arties e era exposicion "Aran me fecit" son er encastre a on se desvoloparà aguesta mòstra.
Es artesans que heren possible eth bastiment d'aguestes glèises, mos an legat era sua òbra e era sua faiçon de trebalhar… a dia de aué, un Art. Gràcies ad aguesta consideracion ei possible conservar e gaudir d'aguestes òbres. Es professionaus que pendent tota era mòstra mos acompanharàn son Glòria Coronas (escultora), Antoni Fernández (restaurador "El Taller del Restaurador"), Cristina Thió (conservadora-restauradora Chroma), Germán Martínez e Sergi Clos (forjadors Ass. AFOC), Carme Vicens (ceramista) e Montserrat Xirau (restauradora de teishuts). Tanben compdaram damb era collaboracion de Lluïsa Amenós, dra. en Istòria der Art, damb eth visionat deth film "El tresor dels Pirineus". Aguesti professionaus mos aproparàn ath trebalh d'aqueri artesans o artistes deth passat, ath temps, que mos mostraràn era sua faiçon de hèr e enténer eth sòn ofici.
Voletz participar dera vida vidanta des artesans deth passat? Apropatz-vos eth diuendres 19 d'abriu ena glèisa de Sant Joan d'Arties.
Exhibicions, conferéncies e talhèrs pendent tot eth dia e entà toti es publics.
