24.08.2019 |
Viure als Pirineus

PROGRAMA PIROSLIFE

Goiat ataque ua oelha e ua anhèra en Baish Aran

Er os Goiat ataquèc ena darrèra maitiada a ua oelha e ua anhèra d’un mes d’edat en municipi de Bausen ena Val d’Aran.

Er os Goiat ataquèc a ua oelha en municipi de Bausen ena Val d’Aran/CGA
Er os Goiat ataquèc a ua oelha en municipi de Bausen ena Val d’Aran/CGA
Goiat ataque ua oelha e ua anhèra en Baish Aran

Es Agents de Miei ambient deth Conselh Generau d’Aran an confirmat qu’er atac ei obra de Goiat donques qu’a trauès deth seguiment que se hè d’aguest exemplar damb eth collar GPS se detectèc era sua preséncia ena zòna sus es 03 ores dera maitiada.

Era oelha e era anhèra non èren protegides per mesures entà evitar atacs.

Cau arrebrembar que dempús deth prumèr atac confirmat de Goiat dempús dera iuernacion, eth passat 15 d’abriu s’activèc era dusau fasa deth protocòu d’Intervencion damb ossi en Pirenèu, aprovat per totes es administracions pirenenques (Generalitat de Catalunya, Conselh Generau d’Aran, Govèrns d’Aragon e Navarra) e eth Ministèri entara Transicion ecológica, tà espantar ar exemplar.

Segons aguest protocòl, cau realizar diuèrses intervencions de condicionament damb er exemplar entà tractar de cambiar es sues abituds. Aguestes accions consistissen en un conjunt de tecniques qu’includissen er usatge de pirotècnia, bales de fogueig, … que cau aplicar quan er animau realize era conducta inadequada.

Se mejançant aguestes mesures non s’artenh era intencion perseguida, s’elevarà ath grop de trabalh previst ath Protocòl entà per’mor qu’avalore se cau extrèir-lo deth miei.

D’aute biais, era Generalitat e eth Conselh Generau d’Aran an desplegat cinc gàbies en Aran e eth Palhars Sobirà entà capturar ossi e plaçar-les un GPS en marc deth programa Piroslife.

Comentarios