08.03.2021 |
Viure als Pirineus

GASTRONOMIA I CULTURA

Eth Conselh Generau inície “Sabors d’Aran”, ua campanha entà promocionar era gastronomia aranesa

Diferents restaurants aranesi an participat en aguesta campanha compartint recèptes tipiques dera Val d’Aran 
Sabors d'Aran
Foment Torisme Val d’Aran a iniciat era campanha “Sabors d’Aran”/ CGA
Eth Conselh Generau inície “Sabors d’Aran”, ua campanha entà promocionar era gastronomia aranesa

Eth Conselh Generau d’Aran, a trauès de Foment Torisme Val d’Aran, a iniciat era campanha “Sabors d’Aran”, entà promocionar era gastronomia deth territòri a trauès des sòns restaurants, en tot dar a conéisher plats e productes tipics dera Val d’Aran.

“Damb aguesta campanha, cada setmana compartiram un vidèo gravat en collaboracion damb disparièrs restaurants deth territòri, a on codinèrs e codinères de gran nivèu mos ensenharàn a premanir autant plats tipics dera gastronomia aranesa coma plats innovadors damb productes dera tèrra”, explicaue eth conselhèr d’Economia, Torisme e Promocion Economica, Josep Canut.

“Er objectiu de ‘Sabors d’Aran’ ei promocionar es nòsti restaurants e era nòsta gastronomia per miei de contenguts audiovisuaus que pòden arribar a tot eth mon a trauès des naues tecnologies, en tot adaptar-mos ara actuau situacion sanitària e sociau”, manifestaue eth tanben conselhèr d’Economia, Torisme e Promocion Economica, Juan Antonio Serrano.

Restaurants coma Er Occitan, Casa Turnay, Es Arraïtzes, Boixetes de Can Manel o Era Mòla, entre d’auti, an participat en aguesta campanha en tot compartir quauques des sues melhors recèptes.  Dejà se pòt veir eth prumèr d’aguesti vidèos e apréner a premanir ua sopa de ceba coma es que se premanissen en restaurant La Trastienda de Bossòst.

Eth Conselh Generau inície “Sabors d’Aran”, ua campanha entà promocionar era gastronomia aranesa
Comentarios
Entrando en la página solicitada Saltar publicidad