08.03.2021 |
Viure als Pirineus

POMPIÈRS

Eth Conselh Generau harà òbres de melhora enes parcs de Pompièrs de Les e Bossòst

S’amiaràn a tèrme ua sèria d’actuacions de besonh entà melhorar era foncionalitat des espacis e garantir era seguretat e eth benèster deth còs de Pompièrs
Pompièrs Parc de Les
Parc de Pompièrs de Les /CGA
Eth Conselh Generau harà òbres de melhora enes parcs de Pompièrs de Les e Bossòst

Eth Conselh Generau d’Aran a aprovat es projèctes de melhora des parcs de Pompièrs de Les e de Bossòst, qu’auien de besonh ua sèrie d’actuacions entà aumentar era foncionalitat des espacis e garantir era seguretat e benèster deth còs de Pompièrs en aguesti parcs.

Eth projècte de melhora dera foncionalitat deth Parc de Les, dotat d’un pressupòst de 72.000 euròs, contemple era reparacion e repintat dera façada extèrna dera bastissa, era substitucion dera installacion electrica e er enlumenat interior, e era adequacion der humarau, a on tanben se bastirà un nau banh e s’installaràn radiadiors.

Pera sua part, damb eth projècte de melhora dera cobertura deth Parc de Bossòst, en que s’invertiràn 56.000 euròs, s’amiarà a tèrme era impermeabilizacion e renauiment deth paviment des terrasses, era retirada deth losat actuau e era sua substitucion e renauiment.

Eth Conselh Generau harà òbres de melhora enes parcs de Pompièrs de Les e Bossòst
Comentarios
Entrando en la página solicitada Saltar publicidad