21.06.2021 |
Viure als Pirineus

TURISME I PATRIMONI

Presenten eth Camin de Sant Jaime Aran Pirenèus

Aguest camin portarà as pelegrins de Sant Bertrand de Comminges, en tot trauessar era Val d’Aran, era Alta Ribagorça e Òsca enquia connectar damb eth Camin de Sant Jaime catalan

Presenten Camí Sant Jaume Aran Pirineus
Presentacion oficiau deth Camin de Sant Jaime Aran Pirenèus /CGA
Presenten eth Camin de Sant Jaime Aran Pirenèus

Aguest maitin s’a amiat a tèrme era presentacion oficiau deth Camin de Sant Jaime Aran Pirenèus, ara qu’a assistit eth vicesindic e conselhèr d’Economia, Torisme e Promocion Economica, Juan Antonio Serrano, autant coma representants dera Communauté de Communes Pyrénées Haut Garonnaises, eth Consell Comarcal de l’Alta Ribagorça e era Diputación Provincial de Huesca, es quate associacions qu’an prebotjat aguest projècte.

“Aué auem amiat a tèrme era presentacion d’un projècte que comencèc ara hè 11 ans” explicaue eth vicesindic e conselhèr, en tot híger que “deth govèrn deth Conselh Generau d’Aran ençà volem dar es gràcies ara Associacion Amics deth Camin de Santiago dera Val d’Aran e en concret a Ignacio Aldea, e as defunts José Antonio Martínez Íñigo e era sua hemna Maribel, que siguèren es prepulsors iniciaus d’aguest projècte, atau coma ara Associacion Volentaris Val d’Aran peth trabalh qu’an desvolopat entà hèr realitat aguest Camin”.

Presenten Camí Sant Jaume Aran Pirineus 2

D’aute costat, Serrano afirmaue que: “eth Camin de Sant Jaime, o Camin de Santiago, compde damb un gran reconeishement e prestigi a nivèu mondiau e er hèt d’auer ua rota d’aguest camin que trauesse eth nòste territòri mos place en mapa de fòrça pelegrins e supause un important impuls toristic que mos pòt ajudar tanben a diversificar era nòsta economia”.

Eth Camin de Sant Jaime Aran Pirenèus, que va de Saint Bertrand de Comminges a Berbegal en tot recórrer era Val d’Aran per Les, Bossòst, Es Bòrdes e Vielha, cònste de 14 etapes  que somen 246,50 km de recorrut cargadi d’istòria.

Presenten eth Camin de Sant Jaime Aran Pirenèus
Comentarios